Nagpapadagos an aktibong bakalan asin trading kan tabako sa ibong kan pag-uran sa manlain-laing parte kan nacion.
Pigkakarkulong nasa 98% na kan mga tanom an naani na, rason nganing dae maapektaran kan maraot na panahon an operasyon kan mga paraooma.
Padagos mang pigresibi kan mga buying stations an mga inaning tabako hale sa mga pangenot na tanoman sa Ilocos Region, Isabela, asin Cagayan.
Sa ibong kan tag-uran, nagtetenir na halangkaw an kalidad kan ani huli ta maray an nagin pag-ataman asin pagproseso kan mga paraooma.
Naglalaom an industriya kan tabako na maaabot pa man an target kaining 40 milyong kilo nin ani ngonian taon.
Pinatibay kan mga lakdang na ini an kabuhayan kan kadakol na Pilipinong naglalaom sa pagtanom kan tabako bilang pangenot na pigkukuwaan nin ganansya.
