Nagpatanid sa publiko si Philippine National Police (PNP) Chief Gen Nicolas Torre III kontra sa paggamit nin iligal na droga.
Parte ini kan pahayag kan heneral mantang pigpapaliwanag an mas mahigot na kampanya kan kapulisan kontra droga kasunod kan paglakop kan sarong klase nin sigarilyo na pig-aapod na tuklaw.
Midbid man ini bilang itom na sigarilyo.
Igwa ining ilegal na kemikal na synthetic cannabinoid na nagpapatakig sa siisay man na nagsisigarilyo kaini.
Sa Puerto Princesa City, limang estudyante an nadakop na naggagamit kaini durante kan sarong buy-bust operation.
Nagluluwas sa imbestigasyon na an klaseng ini nin sigarilyo pigbabakal sa kantidad na P300 kada one milliliter kan synthetic cannabinoid.
“Marami pa tayong tinitingnan at sisiguraduhin natin na hindi ito kakalat,” ani PNP chief Torre.
“Mayroong mga ipinagbabawal na ruta ng kalakalan na aming tinitingnan na maaaring ang pagpasa ng mga sangkap na ito,” sabi pa ng heneral.
Pinatanidan niya an publiko urog na an mga jovenes, “Walang magandang ibibigay sa inyo. Ang bottomline, wala pa akong nakitang adik na maganda at gwapo…lahat ng adik, pangit! Tingnan mo ang before and after, napakagandang artista, adik, tingnan mo ang itsura!”
 Chief Gen Nicolas Torre III warned the public against the use of illegal drugs. This is part of the general's statement while explaining the police's tighter anti-drug campaign following the spread of a type of cigarette called tuklaw.){kind=link}