LEGAZPI CITY-Nasungkit ni Shaina Nitura kan Adamson University an enot na first Most Valuable Player sa UAAP women’s volleyball tournament makalihis siyang mangenot sa statistical race sa pagtatapos kan Season 88 elimination round.


Nakapagrehistro si Nitura nin 98.51 statistical points kabale an 284 na kabilugang puntos.


Nangenot man siya sa liga sa scoring, pangtulo sa spiking efficiency na nasa 38.15%, pang-pito naman sa service kun sain nasa 0.26 aces kada set.


Pang-apat man si Nitura sa reception na igwang 44.48% asin pangtulo sa digging na igwang 2.11 digs kada set.


Nakuwa man niya an Best Outside Spiker, kaiba si Angel Canino kan De La Salle University.


Mientrastanto, binisto man si Shevana Laput bilang Best Opposite Spiker, Best Middle Blockers sinda Amie Provido kan La Salle asin Niña Ytang kan University of the Philippines.


Tinawan man nin honra si Fhei Sagaysay kan Adamson bilang Best Setter, mantang Best Libero award an nasungkit ni Shaira Jardio kan National University.