LEGAZPI CITY-Ipigheras kan saro sa mga Topnotcher gikan sa Bicol University sa isinagibong 2026 Social Workers Licensure Examination, an importansya kan kurso para sa ikakarahay kan sosyedad, orog na kan mga pinaka-nangangaipo na namamanwaan.
Segun ki Mary Joy Caño, an Rank 8 Topnotcher, sa intrevista kan Bombo Radyo Legazpi na, mas hararom an kursong ini sa kaaraman asin ini an sarong propesyun ngani makatabang sa mga tawo.
Nagin madali man suboot saiya an exam huli suboot sa nagin intensive na review season kan saindang social work department.
Igwa suboot na limang areas an pag-exam kun sain igwang kadifisilan para saiya an subject na human and behavior asin social environment, mantang pasil saiya an subjest na social work practice with communities.
Tinawan doon man ni Caño, na dapat tandaan bilang sarong social worker kun ano an ikakarahay kan mga kliyente, asin kun papano magserbi para sa pangangaipo asin direchos kan lambang saro.
An kurso suboot, pigbibilog ngani magkaigwa nin paguswag an lambang namamanwaan, bako sana manungod sa pulitika.
Nagpagirumdom man siya sa mga mawot magkua kan kursong social work na dai matakot na i-pursue ini huli ta padagos an problema sa sosyedad asin dapat padagos man an kaaraman ngani masolusyunan asin mapauswag ini.
Sinabi man niya na balak niyang mag-masters makalihis an nasabing exam.
