LEGAZPI CITY-Kinalampag kan mga myembro kan Teachers’ Dignity Coalition sa manlain-lain na lugar sa nacion an gobierno kasabay kan ikaduwang Trillion Peso March Rally.
Segun kay Teachers Dignity Coalition Chairperson Benjo Basas, sa intrevista kan Bombo Radyo Legazpi na nagkaigwa sinda nin delegation sa Albay asin sa Luneta kun sain nasa 200 an mga miyembrong nakisumaro sa protesta.
Bako man suboot kasing dakula kan nakalihis na September 21 rally alagad parehas an pangapudan, iyo an mapundo an kurapsyon sa gobierno kun sain nahihiling sa imbestigasyon, na may sabwatan sa mga contractors, opisyales kan DPWH, magin sa mga lehislador.
Dapat suboot na gamiton an ley ngani makulog asin maibalik an pondo kan nacion na harong nagaabot sa milyon-milyong piso.
Punto man niya na mantang pig-ako na kan grupong “BGC Boys” an mga proyekto sa Bulacan, an dapat masangat na an mga ini nin kaso.
Tinawan doon man niya na kadakol na kwarta an Pilipinas basado sa mga imaheng ipigpapaluwas aalagad napapaduman sana ini sa mga kurakot.
Sinabi pa kan opisyal na dai man masosolusyunan kaini an pag-resign sana ni President Marcos asin Vice President Duterte, huli sa maski sinda an warang napapatunayan hale mismo sa dinastiya asin ngonian an dai nagkakasinabutan.
Pangapudan man niya na itama an sistema kan gobierno kun sain labi na an kapangyarihan huli sa namamayagpag na political dynasty sa nacion.
Dagdag pa niya na dai sinda mapapagal sa pag-protesta o maski magkaigwa pa nin saro pang Trillion Peso March huli sa kinakaipuhan suboot an pagsasakripisyo para sa futuro kan satuyang nacion.
