Nagkasundo an Syria asin Israel na magkaigwa nin ceasefire o tigil-putukan.
Kinumpirmar ini ni US Ambassador to Turkey Tom Barrack na suportado kan nacion kan Turkey, Jordan asin iba pang mga kataning na nacion an nasabing kasunduan.
Inengganyar man kan US envoy an Druze, Bedouins asin Sunnis na ibaba an saindang mga armas asin kaagapay an iba pang minorities na magtatag nin bago asin nagkasararong Syria para sa kapayapaan asin pag-uswag kaiba an mga kataning na nacion.
Naenot naman na sinabi kan Israel na tinugutan ninda an Syrian forces na magkaigwa nin limitadong access sa Suwayda sa southern Syria sa masunod na duwang aldaw.
An ceasefire an ipinaotob makalihis maglansar an Israel nin airstrikes sa Syria kan Miyerkules nganing protehiran suboot an Druze na sarong Arab religious minority.
Naenot nang nagpuon an iwal sa pagultangan kan pwersa kan gobyerno kan Syria asin Druze na naggadan sa labi 300 indibidwal na puon kan nagbagsak an rehimen kan ipigkonsiderar na diktador kan Syria na si Bashar al-Assad.
