LEGAZPI CITY – Preparado na an swimming team kan provincia kan Albay na malaban sa paparaning Palarong Bicol 2025 na mapoon sa maabot na Domingo, Marso 23.
Segun ki Reno Briguera, an Swimming trainor kan Team Albay sa intrevista kan Bombo Radyo Legazpi na nasa 70-80 percent na an saindang preparasyon.
Tinawan sinda nin sarong bulan nganing magsagibo nin concentrated training sa swimming pool sa Bicol University.
Kadaklan man sa mga delegado sa nasambitang sporting event an gikan pa sa first district kan provincia kan Albay.
Pigtaram pa kan trainor na preparado na sinda alagad kaipuhan ninda nin bastanteng suporta partikulamente na an pag-abot sa pagkaon kan mga delegado.
Budget suboot an saindang numero unong pigpoproblema huli ta nagkukulang an pondo para sa mga training kan saindang mga atleta.
Mensahe niya man sa mga makakalaban kan saindang atleta na imantenir an sportsmanship asin camaradirie huli ta natural na sa kawat na may nanggagana asin may nadadaog.
Pangapodan ni Briguera sa gobierno na masuportaran nin maray an mga atleta na marepresenta sa provincia sa isasagibong pakawat partikulamente sa nutrisyon kan mga ini.
