LEGAZPI CITY – Nakakulong na sa hepatura kan Masbate City Police Station an suspek sa panlulugos asin panggagadan sa 17 anyos na aking babaye.
An nasabing biktima an residente kan Cagay Masbate asin pigsasabing nilugusan asin ginadan kan Pebrero 14.
Minidbid an suspek na si Amador Dalanon, residente kan parehong barangay asin tiyuon kan biktima.
Base sa imbestigasyon, nawawara an biktima kan Pebrero 14 asin nakua na sana na warang buhay an hawak kaini kasuodma sa sarong maduging uma.
Dae man nagtao pa nin dugang na detalyes an mga imbestigador huli sa nagpapadagos pa an imbestigasyon.
