LEGAZPI CITY — Nasa kustodiya na ngonian kan Pio Duran Municipal Police an sarong suspek sa panghahabas sa Barangay 3 banwaan kan Pio Duran, Albay.
Binisto an suspek na si Raymart Reperoga, 20-anyos asin residente kan Barangay La Medalla kan parehong banwaan.
Nagluluwas sa inisyal na imbestigasyon, tulos na nadakop si Reperoga sa pursuit operation makalihis mabiktima si Lorelle Obsiana, 55-anyos.
Narekober man sa suspek an tulong sachet nin pigtutubudang shabu na may street value na P1,500 asin sarong cellphone.
Ipighahanda na sa presente an kasong theft asin pagbalgar sa Republic Act 9165 o an Comprehensive Dangerous Drugs Act of 2002 na isasangat kontra sa suspek.
