LEGAZPI CITY – Makalihis an duwang taon, nabisto na kan mga otoridad an mga suspek sa pambabadil gadan sa dating Kapitan kan Barangay San Jose, Malilipot, Albay na si Leonardo ” Narding ” Bisa.
Segun kay PCapt. Milanie De Guzman an officer-in-charge kan Malilipot Municipal Police Station, kaiba sa mga sispek sa insidente iyo sinda alyas Dagotdot kan Biñan Laguna asin alyas Lacandazo kan Santa Rosa Laguna na sarong awol na pulis.
An mga suspetsuado suboot an pinagtuturong nambadil kay dating Kapitan Narding kan Matso 2022.
Sa ngunyan naipaluwas na an arrest warrant kontra sa duwa asin pinaghahanap na an lokasyon kan mga suspek.
Nagluluwas man sa imbestigasyon na nagtatago na an suspek na si Dagotdot sa Laguna mantang si Lacandazo an nagdulag pasiring sa Mindanao.
Inasegurar kan Philippine National Police na dae mapundo sa saindang operasyon hasta sa maarestar asin mapanimbag sa saindang mga pagkakasala an mga suspetsyado.
