LEGAZPI CITY-Nadiskubreng mag-ama an mga suspek sa likod kan insidente nin pambabadil sa Bondi Beach sa Australia na guminadan sa 16 katawo mantang 40 iba pang indibidwal an nagtetenir sa ospital.
Segun sa local police, nagadan an 50 anyos na suspek makalihis mabadil kan mga pulis asin an saiyang aki 24 anyos na sa ngonian an nagin kritikal an kondisyon.
An 50 anyos na suspek, napag-aramang sarong licensed firearms holder asin igwang anom na badil na nakarehistro sa saiyang pangaran na nadiskubre sa may Bondi Beach.
Nahiling man sa mismong pinangyarihan kan krimen an duwang active improvised devices alagad idineklara tulos ining ligtas makalihis halion an nasabing mga pampasabog.
Makalihis an insidente, nagpakalat nin nasa 328 na kapulisan ngani makadagdag sa seguridad asin suporta para sa Jewish community sa Sydney.
Sa nangyaring pamamaril, pigtarget an Jewsih community na nagselebrar kan pagpoon kan taunang Hanukkah, an walong aldaw na Jewish Festival of Lights.
