LEGAZPI CITY – Wara pang problema sa ngunyan an suplay nin tubig sa Legazpi City sa ibong kan pirang aldaw nang init nin panahon na namamatian sa ciudad.
Segun ki Legazpi City Water District (LCWD) spokesperson Richard Atun sa intrevista kan Bombo Radyo, normal pa an suplay asin matanos man an flow rate huli ta wara pang dakulang reklamo na nareresibe dapit sa kakulangan kan suplay.
Ipigheras pa ni Atun na dakulang tabang man sa suplay kun kulangon an planng pagdagdag nin water sources mantang nagpapadagos an pagconstruir kan clarifier kan PhilHydro na piglalaomang makakatabang sa problema sa malabog na tubig.
Alagad kun papakaisipon, may bentahe man suboot an panahon kan tag-init urog pang daing madidificilan sa pag-filter kan tubig na komon na reklamo kun mauran.
Sa ibong kaini, nagpagirumdom man giraray si Atun na mag-conserve nin tubig ngani na dai mamroblema kan kakulangan kun encaso man.
Sa nunyan nasa 55 barangay an pigsusuplayan kan LCWD sa ciudad asin piglalaoman na maihatod man an potable na tubig sa 15 pang barangay na kadaklan sa southern Legazpi na “unserved”.
