LEGAZPI CITY-Ipigheras kan mga aktibista na sinda Nica Ombao kan Bicolana Gabriela asin Earnest Blanquera kan Kabataan Partylist Bicol, kun papano namuklat sa kadifisilan an mga namamanwaan sa sosyedad.
Segun ki Ombao, sa intrevista kan Bombo Radyo Legazpi, na nagin ‘inevitable ang kaniyang pagigin muklat sa kalagayan kan mga Pilipino bilang sarong paraooma an saiyang lolo.
Sa puntong ini, nahiling niya suboot mismo an kadafisilan kan mga paraooma asin sa pamumuhay kan mga Pilipino.
Kun sain an saiyang pagigin ‘curious’ suboot an nagpukaw saiya bilang saro man sa mga dating estudyante kan Ateneo De Naga University poon High School sagkod sa Kolehiyo.
Mientras tanto, ipigheras man ni Blanquera, sa hiwalay na intrevista, na namuklat siya sa historya sa murang edad, mantang pagtungtong niya sa High School, kun sain panahon kan rehimen ni Duterte.
Ini nagin paagi ngani mag-saliklik siya mapadapit sa politiko, na nagbukas saiya na pag-adalan an istorya kan mga sikat na aktibista poon dekada 60 hasta 70 ngani baguhon an kasaysayan asin nakikipaglaban para sa mga namamanwaan.
Naeksperyensyahan man niya an pagigin paraooma, na sa tahaw kan tag-uran asin tag-init, nagtetenir na barat an presyo kan paroy na nasa 13-14 per kilo kan panahon.
Tinawan doon man ni Ombao na difisil na manahimik na sana asin warang aksyon na isagibo sa tahaw kan mga pangyayari sa nacion.
Sinabi pa niya na an pagigin aktibista, an parte kan sarong paghiro ngani baguhon kun ano an igwang pamumuhay an mga Pilipino.
