Lalong nagtindi an tensyon sa Middle East makalihis opisyal na ipahayag kan Islamic Revolution Guard Corps (IRGC) kan Iran an pagsasarado kan Strait of Hormuz para sa mga lunadang pandagat na may kinaaraman sa saindang mga “kaiwal.”
Sa sarong pahayag na iniluwas sa Sepah News, kinumpirmar kan IRGC Navy na hinarang asin pinabalik ninda an tulong container ship, kan manlain-laing nasyunalidad, na nagporbar mag-agi sa strategic waterway, na iyong agihan kan ikalimang parte kan suplay nin krudo asin gas sa kinaban sa mga normal na panahon, pati na man an iba pang importanteng produkto.
Susog sa Iran, an lakdang na ini an simbag sa mga nacion asin port na kaalyado asin nagsusuporta sa Estados Unidos asin Israel.
Tinawan-doon kan IRGC na an pagporbar kan mga barkong makaagi an huli suboot kan “kaotikan” ni US President Donald Trump.
Magigiromdomang nagpahayag si Trumop na nagtugot na an Iran na paagihon an 10 oil tanker, sarong claim na pinahimutikan kan gobierno kan Iran.
Idineklara kan IRGC Navy na sarado na ang Strait of Hormuz asin nagpatanid na an anumang transit an mahahampang sa matinding konsekwensiya.
