LEGAZPI CITY—Nagpagiromdom an state weather bureau sa publiko na magin preparado sa papaabuton na panahon nin tag-uran sa nacion.
Segun ki State Weather Bureau, Weather Forecaster Jaime Bordales, sa intrevista kan Bombo Radyo Legazpi, na mantang dae pa sa presente namamatean an raot nin panahon, pwedesir na pakarayon na muna an harong nganing warang aberya en kaso magpuon na an panahon kan tag-uran.
Abiso man kan opisyal sa mga lokal na gobierno na ayuson an mga kanal na barado huli ta saro ini sa mga nagkakawsa nin pagbabaha sa sarong lugar.
Dugang ni Bordales na sa ibong kan opisyal na pagdeklara kan Habagat season, dae pa man nakukua an criteria nganing magdeklara nin panahon na nin tag-uran.
Tinawan-duon man kaini na pwedesir na magpuon an tag-uran sa mga huring semana kan Hunyo o primerong semana kan Hulyo.
