LEGAZPI CITY – Nagkondukta nin Run After Contribution Evaders (RACE) Campaign sa banwaan kan Guinobatan sa Albay.
Sa intrevista kan Bombo Radyo Legazpi ki Jeanette Mapa, Spokesperson kan Social Security System Legazpi Branch, nasa pitong employers an binista kan opisina huli sa non-remittance of contributions o non-production of records.
Sa nasabing numero anom an igwang bayolasyon sa non-remittance asin saro an dae pagrehistro kan negosyo.
Segun ki Mapa, igwa na nin ipinadarang billing letter asin notice of violations.
Tinawanan an nasabing mga employer nin 15 aldaw ngani na magcomply asin oras man na dae magsunod an masangat na nin reklamo sa prosecutors office.
Ipigheras man ni Mapa na anom na an nakondukta kan opisina na Run After Contribution Evaders asin target na gibuhong 12 antes na matapos an taon.
Sa presente, nasa 48 employers an nasangatan na nin kaso kan Social Security System Legazpi Branch Legazpi huli sa non-remittance of contributions o non-production of records.
