Nagpuon na an botohan kan mga namamanwaan kan South Korea para sa pagpili nin bagong presidente.
Ini an anom na bulan makalihis an kariribukan kan magdeklarar si dating presidente Yoon Suk Yeol nin martial law na nagkawsa nin kariribukan sa nacion.
Segun sa National Election Commission na milyones na an nakapag boto sa snap election.
Gabos na mayor na mga polls an nagpapahiling kan kalamagan kan liberal candidate na si Lee Jae-myung kun sain nasa 49% kan mga respondents an nahihiling ini bilang pinaka angay na kandidato.
An kandidato man kan conservative party na si Kim Moon-soo an nakakuwa nin 35% sa Gallup survey.
