LEGAZPI CITY- Preparado na an Probinsya kan Sorsogon sa isasagibong Kasanggayahan Festival ngunian na Oktobre 2024.
Segun kay Bobby Gigantone, an tourism officer kan Sorsogon sa intrevista kan Bombo Radyo Legazpi, nagtiripon kasuudma an mga department heads kan nasabing probinsya ngane na pagulayan an saindang kani kaniyang sssignment na gigibuhon sa nasabing kafiestahan.
Ini suboot an pinakadakulang aktibidad huli ta ngunian na taon iseselebrar an ika 50 taon kan Kassangayahan.
Segun pa sa opisyal na pigasigurar kan mga department heads na 100% sindang handa ngane na maging mas maogma an nasabing aktibidad.
Sinabi man kaini na rain or shine, dagos man liwat an mga aktibidades lalo na sa mga outdoor events.
Mientrastanto, naogma man ini huli ta nahihiling ninda kun gurano kaepektibo an entertainment tourism sa probinsya kun saen ngunian pa sana an fully book na an mga hotels huli sa pagdagsa kan mga turista sa lugar.
