Kinondena ni House Ad Hoc Committee on Marawi Rehabilitation and Victims Compensation Chairman Zia Alonto Adiong, kan Lanao del Sur, an pagdakol kan mga Filipino vloggers na nagsusunod sa kautikang ipigpapalakop kan China sa isyu kan West Philippine Sea.
Segun kay Adiong, an mga social media personalities na ini an mga traydor asin dae karapat-dapat karapat dapat apudon na mga Pilipino.
Sinabi ni Adiong na nalilingawan kan mga pro-China vloggers na an mga Filipino an naaapektaran kan agresyon asin panggigipit kan Beijing sa West Philippine Sea.
Nangapodan man si Adiong sa mga awtoridad na papanimbagon an mga Filipino vloggers na pro-China sa saindang mga ginibo.
Segun kay Adiong, wara mang problema kun an sarong tawo an nagheheras sana nin opinyon mapadapit sa mga nangyayari sa West Philippine Sea.
Sa ginibo na pagdangog kan House Tri-Com kan Martes, sinabi kan mga opisyal kan Meta an dating Facebook, na inaksyunan ninda an post kan blogger na si Mark Lopez na sala an impormasyon.
An post an nagsasabing guminamit an Pilipinas kan water cannons laban sa China Coast Guard sa West Philippine Sea.
Napag-araman kan fact-checker kan Meta na VERA Files na sala an post, kun kaya nagluwas an Meta kan paglilinaw o pagtatama.
Si Lopez an saro sa apat na vloggers na na-contempt asin ipinag-sugo kan Tri-Com na madetine sa Kamara sa laog nin 10-aldaw.
