Nagsayuma an Office of the Solicitor General na magrepresentar sa mga opisyal kan gobierno na pigku-kwesyon sa mga petisyong na ipigsunad sa Korte Suprema katakod kan pag-arestar ki dating Presidente Rodrigo Duterte sa bisa ng warrant of arrest kan International Criminal Court.
Sa irarom kaya kan ley, an OSG an nagsisirbing abogado kan gobierno.
Nanindugan si Solicitor General Menardo Guevarra sa posisyon kan ahensya na warang hurisdiksiyon sa Pilipinas an ICC asin nagagana an investigative, prosecutorial asin judicial system kaya posibleng dae kaini mairepresentar an respondenys sa mga kaso kaya nagsayuma na magpartisipar.
Dae na man binanggit kan SolGen an isyu sa International Criminal Police Organization na nagpaaram sa Pilipinas katakod kan pag-arestar sa dating presidente.
Enot na kayang nanindugan an nagkapirang opisyal kan gobierno na maski warang hurisdiksyon an ICC sa Pilipinas, miyembro man liwat an nacion kan Interpol.
