LEGAZPI CITY – Puga puga na ang isinasagibong preparasyon kan Legazpi City Smoke Free Unit sa nakatalaang mahigot na pagbabantay sa gabos na pampubliko asin pribadong mga sementeryo sa siyudad katakod kan komemorasyon kan UNDAS.
Segun ki Jose Balbin, Enforcer kan Smoke Free Unit kan Legazpi City, sa intrevista kan Bombo Radyo Legazpi, pupunan kan grupo ang pagbubugtak nin billboards sa mga sementeryo bilang reiterasyon kan eksistidong ordinansa kan pagbabawal sa paninigarilyo magin paggamit ni vape.
Segun pa ki Balbin, makakanamit nin penalidad an siisay man na madadakop sa akto lalo sa siring kaining matatawong lugar.
Base sa saindang inilatag na plano, Oktubre 31 sagkod Nobyembre 2 suboot ang kadalasang dagsa kan mga mabirisita kung kaya hagad kaini ang tabang siring sa PNP personnel asin Public Safety Officers na pwedesir magdakop kan mga mabalgar sa nabanggit na ordinansa kan siyudad.
Sa ngunyan, padagos ang paglilibot kan saindang grupo sa mga 100% compliance sa No Smoking Ordinance na mga establisimiento sa nasabing syudad.
