LEGAZPI CITY- Suportado kan Simbahang Katoliko an anuman na lakdang kan gobyerno partikular na sa ikakarahay kan banwaan.
Sa intrevista kan Bombo Radyo Legazpi ki Fr. Rex Arjona, Social Action Center Director kan Diocese of Legazpi, ipighayag kaini an lado kan simbahan katakod kan nagin deklarasyon ni Presidente Rodrigo Duterte na isairarom sa Ley Martial an bilog na isla kan Mindanao sa laog nin 60-dias.
Dugang pa kaini an pigtatawanan nin dakulang importansya kan simbahan an pagtatrabaho kan gobyerno para sa pagtatao nin katanosan asin katonongan sa mga ciudadano.
Sa ibong kan pagsuporta, dae man giraray suboot maiibitaran an pagmamasid sa mga masunod na lakdang kan administrasyon urog na sa kakaluwasan kaini.
Tutok man sinda sa pagbase sa konstitusyon siring man sa posibilidad kan pagbalgar sa direchos humanos kun kaya sa ngonian, nasa ‘wait and see mode’ an simbahan.
