LEGAZPI CITY—Nangangapudan an Saint Stephen Protomartyr Parish, Ligao City sa publiko na magpreparar asin mamibi para sa nagdadangadang na bagyong Uwan.
Segun ki St. Stephen Protomartyr Parish in Ligao City Father Pau Barandon, sa intrevista kan Bombo Radyo Legazpi, na mantang nagpapangadyi para sa kaligtasan na dae na mag-agi an bagyo sa rehiyong Bicol an hagadon na sana sa Kagurangnan na dae na ini mangrapado sa anumang lugar sa Pilipinas.
Mientrastanto, sinabi man ni Father Pau Barandon na bukas an saindang simbahan para sa mga ma-ebakwar alagad pwedesir sana sinda na magtinir sa may altar huli sa dae kaya makaakomodar nin dakol na evacuees sa rason na dakol na pwertahan an warang pamintuan asin puro ini grills na pwedesir na malaog kan paros durante kan pangrarapado nin bagyo.
