Ipighayag ni Australian Prime Minister Anthony Albanese an pagkondena sa nangyaring pambabadil sa Bondi Beach, inapod niya ining “act of evil antisemitism” na obhetong kulogan an mga miyembro kan Hudyo sa Australia.
Nangyari an insidente mantang pigselebrar kan mga Hudyo ang Pasko nin Pag-iilaw (Hanukkah), kun sain nagwalat ini nin takot asin pagkahandal para sa mga Jewish community sa Australia.
Pigbasol ni Israeli Prime Minister Benjamin Netanyahu asin kan ibang pang opisyal kan Israel an gobierno kan Australia sa bakong bastanteng pagtugon laban sa naglalalang antisemitism sa nacion.
Kinumpirmar man ka mga otoridad na an pambabadil an sarong teroristang pag-atake, alagad bako pa malinaw an numero kan mga salarin o an saindang tunay na motibo.
Segun ki New South Wales Police Commissioner Mal Lanyon, nagsagibo na nin masusing imbestigasyon asin hinagad sa publiko na dae magpakalat nin salang impormasyon mapadapit sa insidente.
