LEGAZPI CITY – Haros ma-abo an sarong senior citizen makalihis an sarong kasulo kabuludang parte kan Sitio Hangaan, Barangay Abuyog, East District, Sorsogon City.
Segun ki Sorsogon City Police Station Chief of Police Police Lieutenant Colonel Christopher Aduviso sa intrevista kan Bombo Radyo Legazpi na binisto an biktima na sarong 61 anyos na lalaki, warang agom, asin sarong paraooma.
Basado man sa saindang imbestigasyon, nagluluwas na nanotaran kan mga kapitbahay nasusulo na an harong kan biktima asin posibleng napabayaang pigluluto an kawsa kan nangyaring kasulo.
Pwedesir man suboot na dae nakaluwas an biktima huli ta saro sana an pinto kan saiyang harong, warang bintana asin igwa pa ining kamatean sa saiyang hawak asin napapagalan na maglakaw.
Pigtaram pa kan opisyal na marikas na nangyari an kasulo asin haros abo na an harong huli ta gibo pa an mga ini sa mga light materials kun kaya madali ining natumpos kan kalayo.
Tulos man na nailubong an biktima huli sa tabang kan mga Barangay officials asin mga ka-pinsanan kaini.
Sa presente ini na suboot an ikaduwang insidente nin kasulo na nangyari sa ciudad na parehong kabuludan mang parte nakatugdok an imbweltong harong.
Pangapodan ni Aduviso sa publiko na dae pagpabayaan an pigluluto asin dae pagpabayaan na nagsosolo sa harong an saindang kamag-anak na may kamatean nganing malikayan an kaparehong insidente.
