Maluwas nin show-cause orders ang Senate Blue Ribbon Committee laban sa dating congressman Zaldy Co asin sa suboot security aide kaini na si Orly Guteza huli sa dae pag-atendir sa hearing mapadapit sa flood control controversy.
Segun ki panel chair Senate President Pro Tempore Panfilo “Ping” Lacson, masunod muna sinda sa Supreme Court ruling kaya show-cause order an enot na lakdang bago posibleng contempt asin warrant of arrest kun dae magiging satisfactory an paliwanag.
Dae maaraman an tigteteniran kan duwa, mantang pigtutubudang nasa Portugal si Co, asin si Guteza an naenot na nadawit sa Marine custody.
Si Co, dating House appropriations chair, an sentral na personalidad sa flood control anomaly asin nahahampang sa arrest warrant katakod kan sarong proyekto sa Oriental Mindoro. Si Guteza man an nagbuyagyag suboot kan pag-deliver nin kickbakcs sa pagrugaring ninda Co asin dating Speaker Martin Romualdez, na parehong sinayumahan kan duwang politiko.
