LEGAZPI CITY-Pig-orgulyo ni Senator Robin Padilla an saiyang pagtatapos sa “University of Prison,” kasunod kan mga nagin reaksyon kan publiko matapos niyang sabihon ini sa tahaw kan impeachment trial ni Vice President Sara Duterte sa Senado.
Sa sarong pahayag na ipigheras niya sa social media, sinabi ni Padilla na ipig-orgulyo niya an haros tulong taon na pagtenir sa kulugan huli ta digdi suboot niya naukudan an importanteng adal sa pamumuhay asin digdi nahubog an saiyang pagkatawo.
Inapod man kan senador an saiyang eksperyensya bilangs arong “unibersidad ng buhay.”
Naenot nang nagin orolay an nagin pahayag kan senador sa impeachment proceedings kan sabihon kaini na nagtapos siya sa “UP.” Alagad nilinaw niya na an pigtutukoy niya, iyo an “University of Prison” asin bako an University of the Philippines.
Marurumduman nakulong si Padilla kan dekada 1990 katakod kan kasong illegal possession of firearms.
Napawarang bisa ini asin nakalaya siya makalihis an haros tulong taon sa kulungan.
Mientras tanto, nagkaigwa man nin manlain-lain na opinyon an netizens sa nagin pahayag kan senador.
