Dae mapirma si Sen. Robinhood Padilla sa report kan Senate Blue Ribbon Committee manungod sa mga suboot anomalya sa flood control projects, kasunod kan paninindugan ni Minority Leader Alan Peter Cayetano.
Sinabi ni Padilla na susuportahan niya an suway report kan minority bloc, na dae man pinirmahan ni Cayetano.
An draft kan Blue Ribbon report nagrerekomendar kan pagsangat nin kasong kriminal asin administratibo laban ki Sen. Francis Escudero, Sen. Joel Villanueva, asin Sen. Jinggoy Estrada.
Piglinaw kaini na dae nagpaluwas nin anuman na findings an minority report laban ki Escudero asin Estrada.
Kaipuhan suboot sindang magin makusog sa minoriya.
Sinabi niya na ano man an desisyon kan minority floor leader, sinda an masunod.
Sa ibong kaini, nanindugan ini na an siisay man na senador libreng magpirma sa report kun gusto ninda.
Liwat na pinagtibay ni Padilla an saiyang loyalty sa Duterte bloc asin sinabi kaini na wara siyang planong magbalyo sa mayoriya.
Mientrastanto, si Sen. Raffy Tulfo, na yaon sa mayoriya, dae pa niya napirmahan an draft report huli ta dae pa niya ini nabasa.
Segun ki Tulfo, maabot sa 400 na pahina an report.
