Ipigpepreparar na ni Senator Risa Hontiveros an kasimbagan kaini laban sa kasong harasment asin kautikan na ipigpalakop kan dating witness kaini sa Senate hearing.
Ini an kasunod kan paglantad kan sarong Michael Maurillo o alyas “Rene” na nagsabing pinirit siya kan senador nganing tumestigo laban kay dating Presidente Rodrigo Duterte, Vice President Sara Duterte asin kay Pastor Apollo Quiboloy.
Enot nang sinabi kan senador na igwa sindang ebidensya na an pigsasabi kan alyas “Rene” an purong kautikan.
Gabos suboot kan mga testigo na iprinisenta sa senado an boluntaryo asin malayang nagpahayag kan saindang testimonya.
Pagdoon pa kaini na igwa sindang mga papeles hale pa sa manlain-laing ahensiya na nagpapatunay sa nasabing akusasyon laban sa mga nabanggit na opsiyal.
Dakula man an pagtubod kan senador na binayadan ini ni Quiboloy nganing rauton an reputasyon kan senado.
