LEGAZPI CITY- Pigpunan na kan Department of Health Bicol an pagselebrar kan National hospital week ngunian na taon kun saen magsisirbing host an Probinsya kan Albay.
Kun magigirumduman taon taon pigseselebrar an National hospital week kada agosto 6-12 basado sa presidential Proclamation No. 181, series of 1993.
Segun kay Dr Monrey Isaiah Mancilla, Medical Officer IV , kan Sports Committee Head kan DOH Bicol sa naging intrevista kan bombo radyo legazpi, ngunian na taon liwat na naisagibo nin face to face an mga nakalinyadang aktibidades katakod kan nasabing selebrasyon makalihis an nag aging pandemya.
Igwa ining tema na “Ligtas Pinas, De-kalidad na Serbisyong Ospital” kun saen obheto kaining magpromotir nin awareness sa publiko asin makapagtao nin quality health sa pasiente magin sa mga empleyado kan ospital.
Mientrastanto, kasubagong aga pigsagibo an footh parade haleng Bicol University Campus pasiring sa Albay Astrodome na pig atendiran kan mga delegados gikan sa man laen laen na mga health offices sa Bicol.
Magkakaigwa man nin mga sporting events arog kan ball games, track and field, battle of the bands asin Mr. and Ms. hospital week.
Pigklaro man kan opisyal na padagos an pagpapakarhay sa mga ospital sa rehiyon mantang nasa proseso pa kan pagsasaayos sa mga tertiary hospitals sa rehiyon.
Kinakaipuhan suboot na ma utilize na nguna an mga primary asin secondary care antes na magpasiring sa mga tertiary care.
Pangapudan kaini sa publiko na dawa warang helang an dapat nagpapakunsulta man liwat sa ospital asin bako lang magpakunsulta kun may malalala ng kamatian.
