LEGAZPI CITY — Kaipuhan suboot kan Southern Luzon Command (Solcom) nin kongretong basehan kan pangapudan kan Communist Party of The Philippines sa saindang armed wing na New People’s Army (NPA) na pakusugon an saindang opensiba kontra sa pwersa kan gobyerno.
Sa intrevista ki Solcom public information officer Major Gil Perez, pighahalat suboot ninda maging kan national government an basehan ngane na magkaigwa nin pagkakasinabutan.
Sarong indikasyon suboot kan CPP-NPA an pag-step up kan opensiba ninda mantang busy man an Pwersa Aramada sa pagpuho sa Maute terror group sa Marawi.
Nagtetenir man suboot na naka-red alert an AFP katakod kan high security threat kun saen pigtututukan ninda an mga pier asin transportation hubs sa posibleng spillover kan terrorist crisis sa ibang lugar urog na sa Southern Luzon.
Pangapudan man kan opisyal sa publiko na dae mahandal o mahadit huli sa nasa normal ngunyan an security condition kan Katagalugang parte kan Luzon sa ibong kan alert status.
An pagtataas suboot kan alerto an ngane sana magkaigwa nin preemptive measures ngane mapreventaran an mga NPA na mag-take advantage sa pagkondusir nin opensiba.
Pigbabantayan suboot ninda ngunyan an main highway na nagdudugtong sa Luzon asin Visayas, an Matnog port sa Sorsogon asin an parte kan Masbate.
