Opisyal nang tinapos kan mga otoridad an mga pigsagibong search and rescue operations sa Binaliw Landfill sa Cebu City makalihis na marekober kan mga otoridad an huring nawawarang lawas kasunod kan nagin landslide sa lugar kan Enero 8.
Susog sa Cebu City Disaster Response Committee, nakua an lawas kan Domingo nin aga rason nganing magsakat na sa 36 ang numero kan mga nagadan sa insidente.
Afuera digdi, gabos kan mga nai-report a nawawara asin nagadan sa pangyayari an accounted for na mantang 14 an nagtitinir sa ospital asin apat man an presenteng pinauli na sa saindang mga residencia asin pamilya.
Mientrastanto, kan Biyernes man an ipiggoromdom kan mga kaparientes kan mga nagadan sa landslide an saindang mga padangat sa buhay kasabay kan pagdeklara kan State of Calamity sa lugar.
