Pig-iimbestigaran na kan mga otoridad an nangyaring paggadan sa national athlete asin Sea games medalist na si Mervin Guarte.
Si Guarte an ginadan mantang nagkakaturog sa Calapan City, Oriental Mindoro.
An 33-anyos na multi-medalist asin miyembro kan Philippine Air Force (PAF) an pigtutubudang inatake kan suspetsado mantang nagkakaturog sa harong kan sarong opisyal kan barangay.
Sarong dae bistong suspek an luminaog suboot sa harong kaini asin sinaksak si Guarte bago tumakas, base na man sa inisyal na imbestigasyon kan Philippine National Police (PNP) MIMAROPA.
Kinondena ni Oriental Mindoro Governor Humerlito Dolor an paggadan asin nagpromesa nin marikas na hustisya.
Nagpaabot man nin pakidumamay an Philippine Sports Commission (PSC) sa biglaang pagkagadan kan SEA Games goldmedalist na si Guarte.
