LEGAZPI CITY—Padagos an preparasyon kan Schools Division Office Albay en koneksyon sa Palarong Pambansa 2025.
Segun ki Schools Division Office Albay Froilan Tena, sa intrevista kan Bombo Radyo Legazpi, na ibong kan ipinaluwas na memo kan Department of Education (DepEd) kun saen pwedesir na magbakasyon an mga paratukdo, boluntaryong nag-iba an mga ini sa pagsabay sa training kan saindang mga atleta.
Ipigkundusir an nasabing preparasyon sa paagi nin in-house training nganing maibitaran an aksidente asin helang kan mga kajovenesan.
Sinabi man kan opisyal na maabot sa 300 na delegado kan Albay an mapartisipar sa nasambitang Palarong Pambansa 2025.
Mientrastanto, nagpasalamat man si Tena sa mga magurang, lokal na gobierno, asin partner agencies sa pagtabang sainda katakod kan nasambitang event.
Mapuon an Palarong Pambansa sa Mayo 24 sagkod Hunyo 2, 2025 sa Laoag, Ilocos Norte.
