Mapoon na saaga, Martes, Abril 7, an oral arguments kan Korte Suprema sa apat na pinagsararong petisyon na nagkukuestion kan legalidad kan unprogrammed funds asin special accounts sa pambansang badyet poon 2024 sagkod 2026.
Huli sa pagtipid sa transportasyon, ibinalyo an mga oral arguments hale sa Baguio City pasiring sa Manila.
Kabali sa mga petisyon an: Lagman et al. vs Congress, Pimentel III & Alvarez vs Bersamin & Pangandaman, Filipinos for Peace, Justice and Progress vs House of Representatives, asin Erice & De Lima vs Senate.
Pighagad kan mga petitioner, na kinababalehan kan mga lehislador, taxpayers, asin mga concerned citizens, na haleon an mga adjustment na ginibo kan Bicameral Conference Committees na nagpalobo sa budget sa laog nin tulong magkasunod na taon.
An ikaduwang aldaw kan oral arguments an nakatalaan na gibohon sa maabot na Abril 21.
