Binuweltahan ni House Committee on Public Accounts Chair Terry Ridon an Korte Suprema asin inagyat kaining ayuson muna an sadiring residensya antes mag-lecture sa Kongreso manungod sa rikas kan orolay sa impeachment.
Sa sarong media forum, ipinagirumdom ni Ridon sa Korte Suprema an mandato kan 1987 Constitution na dapat maresolberan an mga kaso sa laog nin 24 bulan poon kan pagsumiter kan mga pleadings.
Ginibo bilang halimbawa kan mambabatas an haloy nang pigbabantayan na petisyon na may kinaaraman sa non-contact apprehension policy, na sagkod ngonian wara pa nin pinal na desisyon.
Segun ki Ridon, antes na kwestyunon kan SC an lehislatura huli sa suboot pag-apura kan mga reklamo sa impeachment, dapat munang syertuhon kan korte na nagsusunod ini sa sadiring mga deadline sa pagresolbar kan mga kaso.
Sa ibong kaini, piglinaw kan kongresista na sa ibong kan pigbibisto ninda an judicial autonomy, mantinido kan Kongreso an kapangyarihan na mag-oversee kan Judiciary bilang parte kan checks and balances.
Pigduon ni Ridon na igwa nin malinaw na mekanismo an gobyerno para sa accountability, kabali na an impeachment proceedings asin an deretsos kan Kongreso na siyasaton an paggamit kan Judicial Development Fund (JDF).
