LEGAZPI CITY—Sarong tulay sa banwaan kan Manito sa probinsya kan Albay an nagaba huli kan namamateang pag-uuran sa probinsya.
Segun ki Senior Fire Officer 4 Cicero M. Ortinero, an Officer-in-Charge kan Bureau of Fire Protection Manito, sa intrevista kan Bombo Radyo Legazpi, an naunambitang nagabang tulay an nagkokonektar sa duwang barangay kan It-ba asin Cawi sa nasambit na banwaan.
An tulay gibo suboot sa bamboo rason para ini magaba huli sa magdamlag na pag-uuran sa lugar.
Huli kaini pwedesir man na magin alternatibong agihan kan mga residentes an Sitio Catungawan pag low tide.
Dugang kaini na sainda man na na-monitor an pag-apaw kan nagkapirang spillway sa Barangay Balasbas asin sentro kan Barangay Bamban, siring man an pag-apaw kan pangenot na tulay sa Barangay Tinapian.
Mientrastanto, nagpagiromdom man an opisyal sa mga namamanwaan na en kaso maraot an panahon dapat na magdangog sa mga opisyales asin mga otoridad para maaraman an presenteng kamugtakan kan saindang mga lugar
