LEGAZPI CITY-Gadan an sarong dating paratukdo makalihis na badilon mantang nagpapa-gasolina sa Bayambang, Pangasinan.
An suspek nakatenir sa kataid na harong kan biktima, asin basado sa pulisya nangyari an krimen huli sa iriwal sa right of way sa saindang pigteteniran na harong.
Basado sa impormasyon, binisto an biktima na si Alfredo dela Cruz, 60-anyos, asin residente kan Barangay Bical Norte.
Sa imbestigasyon kan polisya, napag-araman na nagpapagasolina an biktima kan Martes nin umaga kan ranihan siya kan suspek asin binadil sa payo.
Makalihis an krimen, nagtakas suboot an suspek alagad nadakop siya sa paagi kan closed circuit television (CCTV) camera, asin naarestar sa banwaan kan Sual.
Mahahampang man an suspek sa kasong murder.
