LEGAZPI CITY—Natakdag sa kamot kan mga otoridad an sarong street level individual sa kinundusir na buy-bust operation sa banwaan kan Polangui, Albay.
An suspetsado naarestar sa pinagsarong operatiba kan Municipal Drug Enforcement Unit kan Polangui Municipal Police Station, Albay Police Provincial Office asin Philippine Drug Enforcement Agency Region 5, sa Brgy. Matacon, kan nasambitang banwaan.
Binisto an suspetsado na si alyas “Tol,” 45-anyos, may agom, asin residente kan Brgy. La Purisima, Nabua, Camarines Sur.
Nakumpiskar digdi an tulong pakete nin pinagtutubudang shabu na pigkarkulong may kantidad na P20,400.
An suspetsado mahahampang sa kasong pagbayolar sa Republic Act No. 9165 o an Comprehensive Dangerous Drugs Act of 2002.
