LEGAZPI CITY- Nagtutubod an sarong padi sa syudad kan Legazpi na an mga pobre an mayor na magigin biktima kan padusang kagadanan.
Sa hampang ini kan padagos na pagbusol kan administrasyon ni Presidente Rodridgo Duterte sa liwat na pagbuhay kan death penalty sa Pilipinas.
Sinabi ni Father Rex Arjona kan Diocese of Legazpi na an mga dukha an urog na matatamaan kun in kaso maisabatas an propuesto.
Ineksplikar kaini na dae kaya nin kakayanan an mga ini na makakua nin matibay na abogado.
Kumpara suboot sa mga mayayaman na igwa pa nin kakayanan na rauton an mga ebidensya kontra sainda.
Dugang pa ni Father Arjona, maski an mga drug lords, dipisil man na madakop huli ta bako man talaga an mga ini an nagkakapot nin droga.
Sa ngunyan, padagos an kamawotan kan Simbahang Katoliko na dae madagos an pagsasabatas kan death penalty base na man sa relihiyosong pagtubod na dae nin karapatan an siisay man na tawo sa kinaban na manggadan nin kapwa tawo.
