LEGAZPI CITY—Sarong motorsiklo an nasulo sa pagsabat kan Bagong Taon sa Purok 2, Barangay Calongay, Pilar, Sorsogon.
Segun ki Senior Fire Officer 4 Sherwin J. Suarez, an chief fire investigator kan Bureau of Fire Protection Pilar, sa intrevista kan Bombo Radyo Legazpi, na susog sa mga nakahiling na mantang pigbabaybay kan behikulo an tinampo asin nagpaparibok huli man kan pagsabat nin Bagong Taon, asin kan ini iginilid na, digdi na biglang nasulo an motorsiklo.
Tulos man ining nirespondehan kan ahensya asin susog sa imbestigasyon, na posible suboot na hinali an tambutso kan motor para mas makusog an ribok kaini.
Dugang ni Suarez na wara man na nairehistrong nakulugan sa nasambit na insidente.
Mientrastanto, nagpagiromdom an opisyal na dakol nin mga ligtas na paagi para magparibok sa pagselebrar kan Bagong Taon.
