LEGAZPI CITY—Arestado an sarong regional most wanted person asin miyembro kan Communist Terrorist Group (CTG) sa Barangay Baang, Mobo, Masbate.
Binisto an akusado na si alyas “Nilo”, 31-anyos, warang agom, sarong barbero asin residente kan nasabing barangay.
Naarestar an suspek sa kusog kan mandamiento de aresto na ipinaluwas kan Fifth Judicial Region, Branch 44, Masbate City kan Setyembre 3, 2025 para sa kasong murder na warang pigrerekomendang piyansa.
Naarestar an suspek sa pinagsarong operatiba kan Criminal Investigation and Detection Group Provincial Field Unit (Lead Unit), Mobo Municipal Police Station, Regional Intelligence Unit 5/Provincial Intelligence Team 5 Masbate, Provincial Intelligence Unit Masbate Police Provincial office, 94th Special Action Company, 9th Special Action Battalion, Masbate Maritime Police Station, 96th Military Intelligence Company, 2nd Infantry Battalion, asin Masbate 1st Provincial Mobile Force Company.
Nasa kustodiya na an suspek para sa magkakanigong dokumentasyon asin pagsusunad nin kaso.
