Sarong motorcycle rider an nagadan sa aksidenteng kina-imbweltuhan kan SUV asin sarong motorsiklo sa Maharlika Highway harani sa Rizal Park, San Fermin, Cauayan City.
Sa nagunong impormasyon kan Bombo Radyo Cauayan sa Cauayan City Police Station,an nagadan an sarong 38-anyos na lalaki na residente kan Minante 1, Cauayan City, mantang an nakabangaan kan nagadan na rider iyo an sarong SUV na pigmamaneho ni Thomas Godbold Jr, sarong Foreign National na hale sa Green Cove Springs, Florida, USA.
Basado sa pagsisiyasat kan Cauayan City Police Station napag-araman na pigbabaybay kan SUV an direksyon pasiring sa Alicia, Isabela mantang an motorsikolo an pasiring man sa northbound.
Pagkaanot sa lugar kun saen nangyari an aksidente an bigla suboot nang-agaw nin linya an motorisko asin buminangga sa kasabatan na SUV.
Sa kusog kan impact an tuminalyap an biktima na nagsapo nin lugad sa manlain-laing parte kan saiyang hawak mantang nawasak man an motorsiklo kaini.
Pigporbaran pang isugod sa ospital kan rumespondeng Rescuers kan Rescue 922 an biktima alagad binawian man ini nin buhay mantang piglalapatan nin lunas.
Sa presente an nasa kustodiya na kan Cauayan City Police Station an mga imbwelto na behikulo para sa disposisyon.
