LEGAZPI CITY—Pigtuturong napabayaang pigluluto an kawsa kan sarong insidente nin kasulo sa sarong harong sa banwaan kan Bacacay, Albay.
Segun ki BFP Bacacay Chief Intelligence and Investigation Unit SFO1 Vanessa Bile, sa intrevista kan Bombo Radyo Legazpi, na kan makalihis na makasapna nin maluto an sarong persona, nag-init ini nin tubig huli ta igwa pang natatadang kalayo an ginamit kaining mga panggatong na kahoy.
Alagad binayaan ini asin kan pagbalik digdi na nahiling na nasusulo na an saiyang harong.
Tulos man ninda ining nirespondehan huli na man sa tabang kan sarong residente na nag-report kan insidente.
Sinabi kan opisyal na wara man na nairido asin wara man na nadamay na iba pang establishimiento.
Maabot man sa P5,500 an inisyal na danyos kan nasambitang kasulo.
Mientrastanto, ini na an ikaapat na nairehistrong kasulo ngonian na taon sa naunambitang banwaan.
