LEGAZPI CITY—Sarong bangkay nin senior citizen an nadukayan sa mausoleo kan pampublikong sementeryo sa Sorsogon City, Sorsogon.
Segun ki Sorsogon CPS, COP Police Lieutenant Colonel Christopher Aduviso sa intrevista kan Bombo Radyo Legazpi, naarestar na ninda an duwang suspetsado na imbwelto sa krimen sa tabang kan mga nakahiling.
Susog sa pahayag kan saro sa mga nagsukong suspetsado na an intensyon ninda suboot sa biktima iyo an mangholdap huli ta kamidbid man sana ninda ini, alagad uminabot na ini sa panggagadan sa biktima.
Narekober sa mga suspetsado an sarong gapo na may mga dugo na posibleng ginamit sa panggagadan sa biktima.
Napag-araman na an saro sa mga suspetsado dati nang nakulong asin may dati nang may kaso nin drug case sa ibang lugar.
Mientrastanto, nakipagkoordinar na an pamilya kan biktima sa saindang opisina asin positibong minidbid an mga nasambit na suspetsado.
Sa ngunyan pigpreparar na an kasong isusunad laban sa digdi.
Nangapudan an opisyal sa publiko na magin mapagmatiyag, asin tulos nai-report sa mga kapulisan en kaso may naoobserbaran na may kakaiba sa saindang palibot.
