LEGAZPI CITY-Pigmamawot kan bilyunaryong contractor na si Sarah Discaya na mailipat liwat siya nin kostudiya, segun sa National Bureau of Investigation (NBI).
Sinabi ni NBI Spokesperson Palmer Mallari na sarong urgent motion an ipigsangat ni Discaya sa lokal na korte para sa paglipat sa saiya hale sa Lapu-Lapu City Jail pasiring sa kostudiya kan NBI.
Katakod kaini an kamawotan man kan kampo na mapayagan si Discaya na magatendir sa mga court hearing sa paagi kan video conferenceing, kun papaboran man kan korte an saiyang transfer of costudy request.
Segun pa kay Mallari, pigsugo kan korte an Office of the Ombudsman–Visayas asin an NBI na magsumiter kan saindang komento mapadapit digdi sa laog nin sampulong aldaw.
Enot nang pigbiyahe si Discaya pasiring sa Cebu kan nakalihis na semana asin presenteng nagtetenir sa Lapu-Lapu City Jail, kaiba an walong iba pang kapareho niya akusado.
Dagdag pa ni Mallari, magin an iba pang kaiba ni Discaya, opisyal nang nagsangat nin kaparehong request.
Nag-poon an kaso ni Discaya asin iba pa huli sa suboot P96.5 milyon flood control project sa Davao Occidental na basado sa inisyal na imbestigasyon, nagluluwas na sarong ghost project.
