LEGAZPI CITY — Welcome para sa Commission on Human Roghts (CHR) Bicol an pagkakapasar sa ikatulo asin huring pagbasa kan Kongreso an House Bill No. 8794 o “Safe Street, Public and Online Spaces Act” na ngunyan an naipasa na sa Senado.
Sa intrevista kan Bombo Radyo Legazpi ki CHR Bicol Diretor Atty. Arlene Alanco, magayon na development ini para sa mga namamanwa na mas mamatean an pagigin salbado sa tinampo.
Segun sa opisyal, sa paagi kan nasambitan na propuestong ley, dae mahahadit an publiko urog na an mga kababaihan sa sinda an mabiktima nin harassment huli ta igwa nang maprotehir sainda.
Pag-eksplikar kaini, kun mapapabayaan an anuman na klase nin pangha-harass, posibleng magin kultura na ini asin magpadagos an mga pang-aabuso.
Alagad pigduon ni Alanco na kinakaipuhan na pag-adalan nin marhay an gabos na probisyon kan propuestong ley asin maimpormaran an gabos na tawo ngani na aram kan mga ini an saindang diretsos.
Nagtutubod man an opisyal na bako sana an mga kababaihan an may diretsos na maiprotehiran kontra sa street harassment kundi magin an mga miyembro kan LGBT community.
