Sa kaenot-enoting bes, nakapagpadara an Pilipinas nin fighter jets para sa military exercise sa Australia na pig-aapod na Pitch Black 2024.
Apat na KAI FA-50PH Golden Eagle light combat aircraft an ipinadara kan Pilipinas kaiba an nasa 200 na piloto asin mga personahes kan Philippine Air Force.
An Pitch Black an taunang Multilateral Exercise na pig-aatindiran nin 21 nasyun kaiba na an United Kingdom, Italy, Germany, South Korea, United States, Australia asin iba pa.
Kaiba sa mga training an interdiction flights na piggigibo ngani na mapugolan an mga unidentified aircraft na makalaog sa teritoryo kan nasyun.
Matraining man an mga Pilipinong piloto sa paggamit nin fighter jets tuyong banggi.
Obheto kan aktibidad na mapakusog an depensa kan Pilipinas sa hampang kan lalong naglalalang tensyon ngunyan sa West Philippine Sea.
