Nakatalaan na bumisita sa China si Russian President Vladimir Putin, nagkapirang aldaw makalihis an high-profile visit ni US President Donald Trump sa Beijing.
Liwat na makakahampang ni Putin an saiyang amigo na si Chinese President Xi Jinping.
An duwang aldaw na biyahe ni Putin an ika-25 na pagbisita niya sa China, na patunay kan saindang ugos na partnership.
Ini an sa tahaw kan padagos na pressure kan West sa Beijing na i-pressure an Moscow na tapuson na an giyera kaini sa Ukraine.
Mantang pigpi-presentar kan China an sadiri bilang peace mediatior sa kariribukan asin neutral party, sinabi ni Putin na an China asin Russia an padagos na nagsusuporta sa interes kan lambang saro.
Sa paagi kan pag-akseptar nin mga foreign leaders, mawot kan China na mapakusog an imahe bilang haligi kan global stability.
