Nagluwas sa nagkapirang mga impormasyon na liwat na pigpapadara kan Russian military an mga irido kaining tropa pabalik sa frontline ngani na makipaglaban maski pa nakasaklay pa an mga ini.
An nasabing lakdang an pigigibo sa tahaw kan kakulangan nin mga tropa kan nasabing nacion.
Basado sa mga nagluluwas na mga footages na ipinaluwas kan Ukrainian drone operators, nahiling na igwang mga Russian troops na nagsapar nin leg injuries an nagbabalik sa mga lugar kan labanan maski pa nakasaklay pa an mga ini.
Segun sa sarong Western official na pigreresiklo na kan Russia an saindang mga suldados ngani na magbalik sa pakikipaglaban.
Sa presente naglalaom an Ukraine sa saindang drones ngani na mapugulan an pag-abanse kan tropa kan Russia.
Sa sarong drone video na ipinaluwas kan Ukraine, magigiling an sarong sulddo sa ciudad kan Pokrovsk na maluway na nagtatago an sarong suldadong Russian mantang nakasaklay.
Nagkapira pang mga footages an nagpapahiling kan sapiritan na deployment kan mga iridong suldados sa frontlines.
